Kagalingan sa pagbabalita sa radyo, ipinamalas ng JCA SHS

By: Yuri Naranja

Nagpakita ng kahusayan sa radio broadcasting ang mga mag-aaral mula sa Senior High (SHS) Department bilang pagdiriwang ng Buwan ng Wika noong Biyernes, Agosto 30, sa Audio-Visual Room.

Binubuo ng dalawang News Anchor, isang Sports Reporter, Weather Reporter, Entertainment News Presenter, Infomercial Speaker, at Technical Sound Engineer ang bawat grupo.

Unang nagtanghal ang 11-Shalom na sinundan naman ng 11-Shiloh, 11-Elyon, 12-Elohim at 12-Jireh.

“I’ve heard a lot about radio broadcasting, but it’s new for me that I’ll be the one to do it lalo na’t first time pa lang. I have no regrets that I took the courage to step in for the experience in my last year as a SHS student in JCA. It’s all worth it and a treasure experience for me to keep,” ani Rweine Magnaye Balando, News Anchor ng 12-Elohim.

Mga alumni ng paaralan at Ignite Radio Broadcasting Team na sina Navdeep Kaur, Miguel Lee, at Stephanie Lumongsod ang naging mga hurado sa nasabing patimpalak.

Photos by: Rodge Depra